رينبو بان كيك
السلام عليكم
معاكم جيانا . . وهذي ثاني تدوينة لنا 
مثل ماهو واضح بالعنوان والصوره وصفة اليوم سهله وسريعه ولذيذة
لو حابين فطور او تنعمل ذكرى ليوم مميز او حفلات وتحطون شمعه وتزينونها بالطريقه اللي تحبونها
نجي للمهم
المقادير :
طبعاً انا استخدمت كمية اقل من المعتاد
يعني لو حابينها صحن لشخص واحد نفس كميتي بالصوره :
- نص كوب دقيقه + ملعقتين صغيره سكر + رشة ملح + ملعقة صغيره بيكنج بودر
- بيضه
- نص كوب حليب السعوديه لو الخليط متماسك نزيد ربع كمان
- ملعقتين صغيره زيت نباتي
- ملونات الطعام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تخلط الجافه لوحدها والسائلة لوحدها بعدين تنجمع في خليط واحد يكون شبه سائل اخف من خليط الكيك *
ونقسم الخليط حسب الالوان . . عشان الرينبو
لو عندكم لونين ينفع تنخلط وتطلع لون ثالث مثل ماسويت بالموف والازرق كانوا نتيجة خليط السماوي والاحمر
ندهن الطاوه بزيت
نصب الخليط بمقدار متساوي عشان تكون الحبات متشابهه في الحجم
وتحمر من الجهتين وتنحط في علبه مغلقه عشان تظل طريه .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الكريمه :
اربع او خمس ملاعق صغيره سكر بودره
ملعقتين صغيره زبده طريه وليست سائله يعني تكون مثل القشطه في درجة حرارة الغرفه
اربع ملاعق صغيره حليب سائل
تضرب بالخلاط لحد التماسك وتكون مثل الدريم ويب 
ويزين الرينبو بان كيك 
اتمنى تكون عجبتكم هالوصفه .. واللي عندها اي تعليق ماتنسى تكتبه في خانة التعليقات ...
0 التعليقات:
Post a Comment