وصفة للكورسان تنافس المخابز 🥐💕

بسم الله الرحمن الرحيم

السلام عليكم ورحمة الله وبركاته

معكم شهد 👋

وبما أني من عشاق الكرواسون ويعتبر خيار مفضل بالنسبه لي على الفطور وكل مره أخذه من الماركت أو لما أفطر برا دايم أطلبه فققلت ليش ما أجرب أعمله بالبيت واستمتع بتجربه واعرف وش احط عليه ويضيف لصباحي نكهة خاصه فحبيت أشاركم بهالوصفة اللي باعملها أول مره ، وسهله وسريعه ولذيذه وتغنيك عن حق المخابز، ويالله نبداء ..

❤المقادير :

- الماء ( كوب ونصف )

- خميرة الخبز ( 1 ملعقة كبيرة 20 غرام )

- سكر حبيبات ( 2 ملعقة كبيرة )

- زيت النباتي ( ربع كوب )

- خل ابيض ( 1 ملعقة صغيرة )

- سكر فانيليا ( 1 ظرف 5 غرام )

- ملح ( نصف ملعقة صغيرة )

- دقيق ابيض متعدد الاستعمالات ( 5 اكواب )

- زبدة مذابة ( 125 غرام )

✿مقادير خلطة الدهن فوق الكرواسون *خليط التلميع* :

- صفار بيضة

- ملعقة كبيرة من الحليب

- سكافيه بودرة ( ربع ملعقة صغيرة )

*هاذي الخلطة هي اللي تعطيه اللون الذهبي الجميل والمميز له *..

و ممكن رشها بالسمسم أو الحبه السوداء

❀الطريقة :

في صينيه نحط الماء والخميرة والسكر والخل الأبيض والزيت ونحركها كويس ..

ونحط فوقهم الدقيق4 كاسات ومعه الملح ونبداء نعجن واثناء العجن نضيف الكاسه الخامسه .. ونكمل عجن ..

لين تزبط العجينه معنا وتصيرمتماسكه

وفي صحن على جنب نرش فوقه دقيق ونقسم العجينه الى 16 قسم ونكورهم ونغطي عليهم ونتركهم لمدة 10 دقايق

بعدها نمد كل قطعه بالفراده الخشب اليدويه حتى نحصل على رغيف صغير ونكمل على باقي القطع ونحرص أننا نفردهم بشكل متسوي ونصفهم فوق بعض وبين كل قطعه وقطعه ندهن الزبدة المذابة .. بعدها ندخلها الثلاجة لمدة 15 حتى تجمد الزبدة ويسهل فردها ..

وبعدها نفردها بالفراده والقطع فوق بعضها البعض لين تتشكل عندنا دائرة كبيره وحجمها مناسب ونقسمها ⊕

بها الفكرة الى 16قسم نلف الكرواسون اللي حابه تحشيه بأي حشوه لها الخيار .. أنا افضل احشيه بعد مايطلع من الفرن أو اكله عادي مع أي طبق

بعد مانخلص لف نجهز صينية الفرن ونحط ورق الزبدة ونبأ نصفهم بشكل مرتب ونغطي عليهم ونتركهم يتخمرون لمدة ساعة ونص .. وبعدها ندهنهم بخليط التلميع ونضيف السمسم أو حبة البركة * الحبة السوداء* و ندخلهم على فرن مسبق التحمئة على درجة
حرارة 250 لمدة 20 دقيقة تقريبا ..

وبعد مايخرج الافضل على طول تدخلونهم بعلبة محكمة الأغلاق عشان يجلس طري ..