السلام عليكم .
مرحبا اصدقاء مدونة جيانا وشهد . . 
بوست اليوم ريفيو عن منتجات العنايه بالبشره 
طبعاً اي شي يتعلق بالافوكادو للبشره اتحمس له لاني دائماً اسوي فيه ماسك مع العسل والنتيجه تبهرني . . 
هالمره جربت هالمنتج الرئع وكثيييير حبيته
ريحته لطيفه يعني واضح الافوكادو مع لمسه عطريه مميزه ومنعشه 
من اول تجربه لاحظت معاه
ترطيب ونعومه ونظاره ويهدي البشره ويعطيها لون موحد ويصغر المسامات ويشد . . بشكل مؤقت مثل كل الماسكات مفعولها وقت قصير ولازم تكرار واستمرار . . ومافي ترطيب عالي ويدوم غير بالكريمات المرطبه 
صراحه مره النتيجه كانت رهيبه واعطيه دبل لايك 
احس يصلح قبل الميك اب عشان النتيجه سريعه
يقال انه يخفف الحبوب لمن يعانون منها
انا ماقدر اقولكم ايوه لاني ماعاني منها ولكن ممكن مع تجربتكم له راح تلاحظون انها خفت
طريقة الاستخدام 🥑:
اول شي تكون البشره نظيفه تماماً وخاليه من اي كريمات
وتكون رطبه نوعاً ما يعني تغسلين وجهك بشوية مويه وتمسحينها و ترجين العلبه شوي لانه بيكون القوام مختلف بعدها تحطين الماسك لمدة 5 او 10 دقائق
بالبدايه بتحسين بشوية حراره شي عادي وراح تخف لما يجف تماماً لانه للبشره الجافه فهذا الشي يدل على بداية مفعوله . .
الي بشرتهم حساسه ما اعتقد يناسبهم . .
بعدها اغسليه بالمويه وبيدك بدون استخدام اسفنجة الماسك لانها راح تشيل الترطيب وماراح تستفيدين منه ولاتنسين تجففين بشرتك بالطبطبه 
.
المنتج من ايهيرب وسعره 15 ريال
الحجم كبير وقتصادي مقارنه بالسعر يعني كمية الماسك تدوم معاك وقت طويل 
وبكذا يكون انتهى الريفيو الاول 
نتمنى يكون عجبكم وراح نكمل معاكم المنتجات الاخرى بإذن الله .
الي جربت هالماسك تكتب لنا تجربتها
هنا او على التويتر او السناب شات
0 التعليقات:
Post a Comment